Evangelium Secundum Lucam*
Caput 13: Versus 35
Domus vestra.Templum vel civitas, quia, occiso Domino, Romani quasi vacuum nidum diripientes, tulerunt locum et gentem.Non videbitis me,etc. Nisi poenitentiam egeritis et confessi fueritis me Filium omnipotentis Patris, in secundo adventu faciem meam non videbitis.Cum dicetis,etc. Hoc quidem turbae dixerunt Domino veniente in Jerusalem. Sed quia Lucas non dicit Dominum ad Galilaeos postea reversum, ut ab illis hoc ei decantaretur, cogit mystice hoc de adventu claritatis intelligi.